Нийгмийн даатгалын ерөнхий газрын дарга Л.Мөнхзул нийслэлийн алслагдсан дүүрэг болох Багануур, Багахангай, Налайх дүүргийн нийгмийн даатгалын хэлтсийн үйл ажиллагаа, нийгмийн даатгалын хууль, тогтоомжийн хэрэгжилтийн байдалтай танилцлаа.
Тэрээр хэлтсийн удирдлага, байцаагч ажилтнуудтай уулзан санал солилцож, 2024 оноос хэрэгжих Нийгмийн даатгалын багц хуулиуд, холбогдох дүрэм, журам, зааврын талаар мэдээлэл, зөвлөгөө өгч ажилласан бөгөөд ирэх онд салбарын хэмжээнд тавьж буй зорилтын талаар танилцууллаа.
Мөн Нийгмийн даатгалын сангаас олгох тэтгэврийн тухай хуулийн дагуу 6,7 жилийн цалингийн дунджаар тэтгэвэр тогтоолгосон иргэдийн тэтгэврийг 5 жилийн цалингийн дунджаар өөрчлөн тогтоох ажлын явцтай танилцсан ба дээрх дүүргүүдэд тэтгэвэр авагчдын хүсэлт хүлээн авах ажил 70 орчим хувьтай байна.
