Б.БАТЖАРГАЛ: НИЙГМИЙН ДААТГАЛЫН БАЙГУУЛЛАГЫН АЛБАН ХААГЧДЫН ХАРИЛЦАА ХАНДЛАГА, ҮЙЛЧИЛГЭЭНИЙ ЧАНАРЫГ САЙЖРУУЛАХАД АНХААРНА

 

Нийгмийн даатгалын ерөнхий газрын дарга Б.Батжаргал үүрэгт ажлаа хүлээн авч, өнөөдөр НДЕГ-ын даргын зөвлөлийн гишүүд, албан хаагчид болон 21 Аймаг, 9 дүүргийн  нийгмийн даатгалын газрын дарга, хэлтсийн дарга, тасгийн дарга нартай цахимаар өргөтгөсөн уулзалт хийж, 2025 оны зорилт, цаашид анхаарах асуудлын талаар ярилцаж, дараах чиглэлийг өглөө. Үүнд:

 

Бүх хууль тогтоомжийг, чандлан сахиж ажиллах;

Бүх түвшний удирдлагууд удирдлагын манлайллыг үзүүлж ажиллах;

Ажил олгогч, ажилтан, даатгуулагч, тэтгэвэр, тэтгэмж авагч, харилцагчдад нийгмийн даатгалын үйлчилгээг түргэн шуурхай үзүүлэх;

Ашиг сонирхлын зөрчлөөс ангид ажиллах, сахилга бат, ёс зүйтэй хэм хэмжээг дээдлэн ажиллах;

Хэрвээ ажил олгогч, ажилтан, даатгуулагч, тэтгэвэр, тэтгэмж авагчдад нийгмийн даатгалын үйлчилгээг үзүүлэхдээ ашиг сонирхол, ёс зүйн хэм хэмжээний зөрчил  гаргавал хуулийн хүрээнд хатуу хариуцлага тооцох;

Цахим системтэй холбоотой тулгарч байгаа асуудлыг шийдвэрлэх;

Нийгмийн даатгалын үйлчилгээг бүрэн цахим хэлбэрт шилжүүлэх ажлыг эрчимжүүлэх зэрэг тус тус болно.

 

Цаашид энэхүү өргөтгөсөн шуурхай хурлыг сар бүр тогтмол зохион байгуулж, тулгамдаж байгаа асуудлаа хэлэлцэж, шийдвэрлэх гарц шийдлийг олох, хэрэгжүүлэх, мөн шинэ санаа санаачилгыг дэмжин ажиллана гэдгийг Нийгмийн даатгалын ерөнхий газрын дарга онцоллоо.