ТӨРИЙН ЗАХИРГААНЫ УДИРДЛАГЫН МАНЛАЙЛЛЫГ ХАНГАХ, БОДЛОГЫН БАРИМТ БИЧИГ, ХУУЛЬ ТОГТООМЖ, ТОГТООЛ ШИЙДВЭРИЙН ЭРХ ЗҮЙН ҮНДЭСЛЭЛИЙГ СУДАЛЖ, ХЭРЭГЖИЛТИЙГ ХАНГАХ, ТӨЛӨВЛӨХ, ТАЙЛАГНАХ, ХҮНИЙ НӨӨЦИЙН БОДЛОГО, ТӨЛӨВЛӨЛТИЙГ ОНОВЧТОЙ ЗОХИОН БАЙГУУЛАХ, НИЙГМИЙН ДААТГАЛЫН ҮЙЛЧИЛГЭЭГ ХӨГЖҮҮЛЭХ ЗАМААР БАЙГУУЛЛАГЫН ТОГТВОРТОЙ ХӨГЖЛИЙГ ХАНГАХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

• Ерөнхий газрын бүтцийн нэгжүүдийн үйл ажиллагааг харилцан уялдуулан зохион байгуулах;
• Байгууллагын хүний нөөцийн бүрдүүлэлт, ажилтнуудын ажиллах нөхцөл нийгмийн баталгааг хангах төлөвлөгөөг хэрэгжүүлж ажиллах;
• Авлигын эсрэг хууль болон бусад холбогдох хууль тогтоомжийн хэрэгжилтийг хангаж ажиллах;
• Байгууллагын жилийн болон хагас жилийн тайлан, үр дүнгийн гэрээ, гэрээний хэрэгжилтийг хангуулан нэгтгэх;
• Байгууллагын хүний нөөцийн чадавхийг бэхжүүлэх, иргэд даатгуулагч, олон нийт, хариулцагч байгууллага, салбар нэгжүүдэд сургалт зохион байгуулах;
• Нийгмийн даатгалын байгууллагаас үзүүлж буй үйлчилгээг түргэн шуурхай хүргэх, сайжруулах;
• Архив, албан хэрэг хөтлөлтийн стандартыг хангаж ажиллах ажлыг зохион байгуулан ажиллана.

НИЙГМИЙН ДААТГАЛЫН ТАЛААР ТӨРӨӨС БАРИМТЛАХ БОДЛОГЫН ХЭРЭГЖИЛТИЙГ ХАНГУУЛАХ, НИЙГМИЙН ДААТГАЛЫН САНГИЙН ОРЛОГО, ЗАРЛАГЫН ДУНД ХУГАЦААНЫ ТӨСВИЙН ТӨСӨЛ, ТӨСӨӨЛӨЛ БОЛОВСРУУЛАХ, БАТЛУУЛАХ, ХЯНАЛТ ТАВИХ, СУДАЛГАА ХИЙХ, УРТ ХУГАЦААНЫ УРЬДЧИЛСАН ТООЦООЛОЛ ХИЙХ, САНАЛ БОЛОВСРУУЛАХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

• Нийгмийн даатгалын багц хуулиудыг шинэчлэх, боловсронгуй болгох төсөл боловсруулах;
• Нийгмийн даатгалын хууль тогтоомжийг хэрэгжүүлэхтэй холбогдсон, журам, заавар, аргачлал, зөвлөмж боловсруулж, нийгмийн даатгалын төв, орон нутгийн байгууллагуудыг мэргэжил, арга зүйн удирдлагаар хангах;
• Нийгмийн даатгалын сангийн төсвийн төсөл, дунд хугацааны төсөөлөл, төсвийн хүрээний мэдэгдлийг боловсруулах, төлөвлөх, төлөвлөгөөний биелэлтэд хяналт тавих;
• Нийгмийн даатгалын тогтолцоо, үйл ажиллагааг сайжруулах талаар судалгаа хийх, санал боловсруулж эрх бүхий байгууллагад уламжлах, статистик, мэдээллийг бэлтгэх;
• Монгол Улс болон гадаад улс, орнуудын Засгийн газар хоорондын нийгмийн хамгааллын салбарт хамтран ажиллах хэлэлцээрийн хэрэгжилтийг хангах, шинээр байгуулах гэрээ, хэлэлцээрийн төслийн санал боловсруулах.

ҮЙЛЧИЛГЭЭ ХӨГЖҮҮЛЭЛТ, ОЛОН НИЙТ, ХАРИЛЦАГЧ БАЙГУУЛЛАГА, САЛБАР НЭГЖҮҮДЭД МЭДЭЭЛЭЛ ТҮГЭЭХ, ХАМТРАН АЖИЛЛАХ ЗОРИЛГООР ДАРААХ ҮЙЛ АЖИЛЛАГААГ ХЭРЭГЖҮҮЛЖ БАЙНА. ҮҮНД:

Үйлчилгээ хөгжүүлэлтийн чиглэлээр:

• Нийгмийн даатгалын салбарын үйлчилгээний чанарыг сайжруулах;
• Нийгмийн даатгалын цахим үйлчилгээг таниулах;
• Даатгуулагчийн өргөдөл гомдлыг шийдвэрлэх;

Олон нийттэй харилцах чиглэлээр:

• Нийгмийн даатгалын хууль тогтоомжийн талаарх болон цаг үеийн мэдээллийг олон нийтэд түгээх;
• Нийгмийн даатгалын талаарх сурталчилгааны ном товхимол, гарын авлага, зурагт хуудас хэвлүүлэх, түгээх;
• Нийгмийн даатгалын төрлүүдийн талаар сурталчилгаа хийх оновчтой хэлбэрийг сонгох, мэдээлэл, сурталчилгааны дэвшилтэт арга барилаар олон нийтэд хүргэх ажлыг шуурхай зохион байгуулах.

НИЙГМИЙН ДААТГАЛЫН ТУХАЙ ХУУЛЬ, ТӨСВИЙН ТУХАЙ ХУУЛЬ, НЯГТЛАН БОДОХ БҮРТГЭЛИЙН ТУХАЙ ХУУЛЬ, ОЛОН УЛСЫН ГЭРЭЭ ХЭЛЭЛЦЭЭР БУСАД ХОЛБОГДОХ ХУУЛЬ ТОГТООМЖИЙГ ХЭРЭГЖҮҮЛЭН НИЙГМИЙН ДААТГАЛЫН ТӨВ, ОРОН НУТГИЙН БАЙГУУЛЛАГЫН САНХҮҮ, НЯГТЛАН БОДОХ БҮРТГЭЛИЙН МЭРГЭЖИЛ, АРГА ЗҮЙН УДИРДЛАГААР ХАНГАХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

• Нийгмийн даатгалын сангийн орлого, зарлагын гүйцэтгэлийг хангуулах;
• Нийгмийн даатгалын сангийн чөлөөт үлдэгдлийг хөрөнгө оруулалтад оруулж, нэмэгдүүлэх;
• Хөрөнгө оруулалт, худалдан авах ажилгааг зохион байгуулах;
• Гадаад улсад хөдөлмөрийн гэрээгээр ажиллаж буй иргэдийг нийгмийн даатгалд даатгуулах;
• Өмч хөрөнгийн ашиглалт, хадгалалт, хамгаалалтад хяналт тавих;
• Нийгмийн даатгалын сангийн нягтлан бодох бүртгэлийн бодлогын баримт бичиг болон бусад холбогдох журам, зааврыг боловсруулан батлуулж, мөрдөх, санхүүгийн тайланг олон улсын стандартад нийцүүлэн бэлтгэж хэрэглэгчдийг мэдээллээр хангах.

НИЙГМИЙН ДААТГАЛЫН ХУУЛЬ ТОГТООМЖ, НИЙГМИЙН ДААТГАЛЫН ТАЛААР ТӨРӨӨС БАРИМТЛАХ БОДЛОГЫН БАРИМТ БИЧГИЙН ХЭРЭГЖИЛТ, БҮТЦИЙН НЭГЖҮҮДИЙН ГҮЙЦЭТГЭЛИЙН ТӨЛӨВЛӨГӨӨНИЙ БИЕЛЭЛТ, БАЙГУУЛЛАГЫН САНХҮҮ ҮЙЛ АЖИЛЛАГАА, САЛБАРЫН БОДЛОГО, ТӨЛӨВЛӨГӨӨ, ХӨТӨЛБӨРИЙН ХЭРЭГЖИЛТЭД ХЯНАЛТ-ШИНЖИЛГЭЭ,  ҮНЭЛГЭЭ БОЛОН ДОТООД АУДИТ ХИЙЖ ҮНЭЛЭЛТ ДҮГНЭЛТ ӨГӨХ, ЭРСДЭЛЭЭС УРЬДЧИЛАН СЭРГИЙЛЭХ, УДИРДЛАГЫГ МЭДЭЭЛЛЭЭР ХАНГАХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

• Нийгмийн даатгалын байгууллагын үйл ажиллагаанд мөрдөгдөх хууль тогтоомжийн хэрэгжилтэд хяналт-шинжилгээ, үнэлгээ хийх;
• Төсвийн ерөнхийлөн захирагчаас шууд захирагчтай байгуулсан гүйцэтгэлийн төлөвлөгөөний биелэлтэд хяналт-шинжилгээ, үнэлгээ хийх;
• Нийгмийн даатгалын байгууллагын санхүүгийн үйл ажиллагаанд дотоод аудит хийх, дүгнэлт өгөх, зөвлөмж гаргах;
• Нийгмийн даатгалын байгууллагын зохион байгуулалтын бүтцийн нэгжийн үйл ажиллагаанд дотоод аудит хийх, дүгнэлт, зөвлөмж боловсруулах.

НИЙГМИЙН ДААТГАЛЫН САЛБАРЫН ХЭМЖЭЭНД НИЙГМИЙН ДААТГАЛЫН ХУУЛЬ ТОГТООМЖИЙГ ХЭРЭГЖҮҮЛЭХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

• Нийгмийн даатгалын хууль тогтоомжийн дагуу нийгмийн даатгалын сангийн хөрөнгийн бүрдүүлэлт, зарцуулалтад хяналт тавих;
• Нийгмийн даатгалын сангийн хөрөнгийг хууль бусаар зарцуулах үйлдлээс урьдчилан сэргийлэх;
• Илэрсэн зөрчил дутагдлыг арилгуулах;
• Салбарын хэмжээний ажилтан, албан хаагчдын ёс зүйг сахиулж, мэргэжил арга зүйн удирдлагаар хангах.

ЭМНЭЛЭГ ХӨДӨЛМӨРИЙН САЛБАР БОЛОН ОРОН НУТГИЙН КОМИССЫГ МЭРГЭЖИЛ, АРГА ЗҮЙН УДИРДЛАГААР ХАНГАН, ҮЙЛ АЖИЛЛАГААНД  ХЯНАЛТ ТАВИХ, ЭМНЭЛЭГ ХӨДӨЛМӨР МАГАДЛАЛЫН ҮЙЛ АЖИЛЛАГААГ БОЛОВСРОНГУЙ БОЛГОХ ТАЛААР САНАЛ БОЛОВСРУУЛАХ, ЭРХ БҮХИЙ БАЙГУУЛЛАГААР ШИЙДВЭРЛҮҮЛЭХ  ЗОРИЛГООР ДАРААХЬ ЧИГ ҮҮРГИЙГ ХЭРЭГЖҮҮЛНЭ. ҮҮНД:

• Эмнэлэг хөдөлмөрийн магадлалтай холбоотой маргааныг шийдвэрлэх;
• Салбар болон орон нутгийн Эмнэлэг хөдөлмөрийн магадлах комиссыг мэргэжил, арга зүйн удирдлагаар хангах;
• Салбар болон орон нутгийн комиссын үйл ажиллагаанд хяналт шалгалт хийх, илэрсэн зөрчлийг арилгуулах;
• Хөдөлмөрийн чадвар алдалтын талаар тооцоо, судалгаа, шинжилгээ хийх,
• Мэдээллийн нэгдсэн санг бүрдүүлэхэд хяналт тавих
• Эмнэлэг хөдөлмөрийн магадлалын үйл ажиллагаанд шаардлагатай зардлын төсвийн төслийг боловсруулж, холбогдох байгууллагад хүргүүлэх;
• Мэргэжлээс шалтгаалсан өвчний сувиллын үйл ажиллагаа, тусламж, үйлчилгээний чанар, хүртээмж, санхүүжилтэд хяналт тавих;
• Салбар болон орон нутгийн комиссоос ирүүлсэн тайлан, мэдээг улсын хэмжээнд хагас, бүтэн жилээр нэгтгэн дүгнэх;
• Эмнэлэг хөдөлмөрийн магадлалтай холбоотой хууль тогтоомж, дүрэм, журмын талаар иргэд, олон нийтэд мэдээлэл хүргэх, сурталчлан таниулах ажлыг зохион байгуулан ажиллах.

МЭДЭЭЛЛИЙН ТЕХНОЛОГИЙН ТӨВИЙН ЧИГ ҮҮРЭГ

НИЙГМИЙН ДААТГАЛЫН ҮЙЛЧИЛГЭЭГ МЭДЭЭЛЛИЙН ТЕХНОЛОГИЙН ҮЙЛ АЖИЛЛАГААГААР ДЭМЖИХ, МЭДЭЭЛЛИЙН САН БҮРДҮҮЛЭЛТ, ХАДГАЛАЛТ ХАМГААЛАЛТ, ГАДААД, ДОТООД МЭДЭЭЛЛИЙН УРСГАЛЫН НЭГДСЭН ХЯНАЛТТАЙ ТОГТОЛЦООГ ТӨЛӨВШҮҮЛЭХ, ХӨГЖҮҮЛЭХ ЗОРИЛГООР ДАРААХ ЧИГ ҮҮРГИЙГ ХЭРЭГЖҮҮЛНЭ. ҮҮНД:

• Нийгмийн даатгалын байгууллагуудад компьютерийн локал сүлжээ суурилуулах, өргөтгөх, нэгдсэн сүлжээ үүсгэх, тасралтгүй хэвийн ажиллагааг хангах
• Нийгмийн даатгалын байгууллагуудын мэдээллийн санг цахимаар цуглуулах, хуримтлуулах, нөөцлөх, хадгалах, нэгдсэн мэдээллийн сан үүсгэх, мэдээллийн сангийн нууцлал аюулгүй байдлыг хангах
• Нийгмийн даатгалын байгууллагын үйл ажиллагаанд шаардлагатай програм хангамжийг боловсруулах, турших, нэвтрүүлэх, сайжруулалт, хөгжүүлэлт хийх, хэвийн ажиллагааг хангах
• Нэгдсэн мэдээллийн сангаас үйлчилгээ үзүүлэх, мэдээллийн боловсруулалт хийх, хэрэглэгчдийг мэдээллээр хангах
• Нийгмийн даатгалын үйлчилгээг иргэд даатгуулагч, ажил олгогч, харилцагч байгууллагуудад цахимаар хүргэх үйл ажиллагааг зохион байгуулах, хэрэгжүүлэх
• Салбарын хэмжээнд ашиглагдах компьютер, техник болон програм хангамжийг бэлтгэх, шалгаж хүлээн авах, суурилуулах, ашиглалтын хэвийн найдвартай ажиллагааг хангах
• Нийгмийн даатгалын салбарын хэмжээнд мэдээллийн технологийн хэрэглээ, ашиглалтын үйл ажиллагааг зохицуулах зохих дүрэм, журам, аргачлал заавар боловсруулж салбарын байгууллагуудад мөрдүүлэх, биелэлтэд нь хяналт тавих
• Мэдээллийн технологийн хэрэглээ, техник болон програм хангамжийн ашиглалтын чиглэлээр нийгмийн даатгалын ажилтнуудыг сургах, сургалтын материалыг цахим болон цаасан хэлбэрээр бэлтгэн түгээх.