1.Нийгмийн даатгалын сангаас олгох тэтгэврийн тухай хууль /шинэчилсэн найруулга/-ийн Нийгмийн даатгалын ерөнхий хууль /шинэчилсэн найруулга/-ийн 37 дугаар зүйлийн 37.14.13-т “татварын албатай цахимаар мэдээлэл харилцан солилцох;”, 37.16 дахь хэсэгт “Энэ хуулийн 37.14.13-т заасан мэдээлэл харилцан солилцох журмыг нийгмийн даатгалын болон татварын асуудал хариуцсан төрийн захиргааны байгууллага хамтран батална” гэж заасны дагуу “Татварын албатай цахимаар мэдээлэл харилцан солилцох журам”-ын төслийг боловсруулаад байна.
2.Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн хууль /шинэчилсэн найруулга/-ийн 15 дугаар зүйлийн 15.1.2-т “үйлдвэрлэлийн ослын улмаас учирсан хохирлыг арилгах, хэвийн үйл ажиллагааг сэргээх зорилгоор сул зогссон болон энэ хуулийн дагуу хөдөлмөрийн чадвар алдсаны тэтгэвэр тогтоолгосон ажилтныг тохирсон ажлын байраар хангасан тохиолдолд үйлдвэрлэлийн осол, мэргэжлээс шалтгаалсан өвчний даатгалын шимтгэлийн чөлөөлөлт”, 15.4 дэх хэсэгт “Энэ хуулийн 15.1.2-т заасан сул зогсолтын хугацааг ажил олгогчийн санал, холбогдох мэдээлэл, хөдөлмөр, халамжийн үйлчилгээний асуудал хариуцсан төрийн захиргааны байгууллагын дүгнэлтийг үндэслэн нийгмийн даатгалын асуудал хариуцсан төрийн захиргааны байгууллага тогтооно” гэж тус тус заасны дагуу “Үйлдвэрлэлийн ослын улмаас сул зогссон хугацааг тогтоох журам”-ын төслийг боловсруулаад байна.
Эдгээр журмыг 2024 оны 01 дүгээр сарын 01-ний өдрөөс эхлэн мөрдөх бэлтгэл ажлын хүрээнд доорх журмуудын болон маягтын загварын
төслүүдийг боловсруулан, олон нийтээс санал авахаар танилцуулж байна.
1.“Татварын албатай цахимаар мэдээлэл харилцан солилцох журам”;
2.“Үйлдвэрлэлийн ослын улмаас сул зогссон хугацааг тогтоох журам”
төсөлтэй холбоотой саналыг www.ndaatgal.mn цахим хаягаар 2023 оны 12 дугаар сарын 18-ны өдрийн дотор хүлээн авна.
