Улсын Их Хурлын чуулганы 2023 оны 07 дугаар сарын 07-ны өдрийн нэгдсэн хуралдаанаар хэлэлцэн баталж, 2024 оны 01 дүгээр сарын 01-ний өдрөөс мөрдөх Нийгмийн даатгалын ерөнхий хуулийн 16 дугаар зүйлийн 16.5 дах хэсэгт “Нийгмийн даатгалын сангийн төсвийн гүйцэтгэл, санхүүгийн тайлан хүлээн авах, хянах, залруулга хийх, баталгаажуулахтай холбогдсон харилцааг зохицуулсан журмыг нийгмийн даатгалын асуудал хариуцсан төрийн захиргааны байгууллага батална.”, 26 дугаар зүйлийн 26.2 дахь хэсэгт “Илүү төлсөн нийгмийн даатгалын шимтгэлийг буцаан олгох харилцааг зохицуулсан журмыг нийгмийн даатгалын асуудал хариуцсан төрийн захиргааны байгууллага батална.”, Засгийн газрын агентлагийн эрх зүйн байдлын тухай хуулийн 8 дугаар зүйлийн 8.3.1 дэх хэсэгт “энэ хуулийн 7.1.1-д заасан хууль тогтоомж, зарлиг, шийдвэрийг хэрэгжүүлэх ажлыг зохион байгуулж, явц, биелэлтэд хяналт тавих”, 8 дугаар зүйлийн 8.4 дэх хэсэгт “Агентлагийн дарга энэ хууль болон холбогдох бусад хуулиар олгосон бүрэн эрхэд хамаарах асуудлаар тушаал гаргана.”, Нягтлан бодох бүртгэлийн тухай хуулийн 18 дугаар зүйлийн 18.2 дах хэсэгт “Аж ахуйн нэгж, байгууллагын удирдлага нь нягтлан бодох бүртгэлийн хууль тогтоомж, стандарт, дүрэм, журам, зааварт нийцүүлэн нягтлан бодох бүртгэлийн бодлогын баримт бичгийг баталж, мөрдөж ажиллана” гэж тус тус заасны дагуу “Нийгмийн даатгалын сангийн төсвийн гүйцэтгэл, санхүүгийн тайланг хүлээн авах, хянах, залруулга хийх, баталгаажуулах журам”, “Илүү төлсөн нийгмийн даатгалын шимтгэлийн буцаан олгох журам”, “Нийгмийн даатгалын байгууллагын нягтлан бодох бүртгэлийн бодлогын баримт бичиг”, “Нийгмийн даатгалын байгууллагын нягтлан бодох бүртгэлийн дансны жагсаалт”, “Үндсэн хөрөнгийн элэгдэл тооцоход баримтлах хугацаа”-ын төслийг боловсруулаад байна.
Эдгээр журам, маягтын загварыг 2024 оны 01 дүгээр сарын 01-ний өдрөөс эхлэн мөрдөх бэлтгэл ажлын хүрээнд доорх журмуудын болон маягтын загварын
төслүүдийг боловсруулан, олон нийтээс санал авахаар танилцуулж байна.
1.“Нийгмийн даатгалын сангийн төсвийн гүйцэтгэл, санхүүгийн тайланг хүлээн авах, хянах, залруулга хийх, баталгаажуулах журам”,
2. “Илүү төлсөн нийгмийн даатгалын шимтгэлийн буцаан олгох журам”,
3. “Нийгмийн даатгалын байгууллагын нягтлан бодох бүртгэлийн бодлогын баримт бичиг”,
4. “Нийгмийн даатгалын байгууллагын нягтлан бодох бүртгэлийн дансны жагсаалт”,
5. “Үндсэн хөрөнгийн элэгдэл тооцоход баримтлах хугацаа”
төсөлтэй холбоотой саналыг тус цахим хуудасны “Санал хүсэлт” хэсгээр 2023 дугаар 10 сарын 27-ны өдрийн дотор хүлээн авна.
