Нийгмийн даатгалын ерөнхий газар, Японы олон улсын хамтын ажиллагааны байгууллага /ЖАЙКА/-тай 2023 оны 1 дүгээр сарын 26-ны өдөр уулзалт зохион байгууллаа. Уулзалтад Сургалт, олон нийт, хамтын ажиллагааны газрын дарга Д.Цэцэгбадам, Гадаад хамтын ажиллагаа хариуцсан ахлах мэргэжилтэн Т.Цэцэн, ЖАЙКА-ийн Боловсрол, Нийгмийн хамгаалал, Эрүүл мэнд хариуцсан суурин төлөөлөгч Кавабата Рэйко, хөтөлбөрийн ажилтан Б.Эрдэнэчимэг  нар оролцлоо.

Тус уулзалтын үеэр 2016-2020 онд хэрэгжүүлсэн “Нийгмийн даатгалын үйл ажиллагааны чадавхийг бэхжүүлэх” техник туслалцааны төсөл болон 2020 оноос  жил бүр зохион байгуулж байгаа “Санхүүгийн шинжилгээний практик үйл ажиллагааны чадавхийг сайжруулах сургалт”-ын үр дүнгийн талаар ярилцаж, цаашид хамтын ажиллагааг өргөжүүлэх чиглэлээр харилцан санал солилцов.