Нийгмийн даатгалын тухай хуульд заасан үүргээ биелүүлж, ажилтнуудаа нийгмийн даатгалд бүрэн хамруулж, нийгмийн даатгалын шимтгэл төлөлтийн тайланг хугацаанд нь гаргаж, шимтгэлийг хууль заасан хугацаанд бүрэн төлсөн, шимтгэлийн өргүй, хяналт-шалгалтаар төлбөр зөрчил гаргаагүй ажил олгогчийг “Нийгмийн даатгалын шилдэг шимтгэл төлөгч-ажил олгогч”-оор шалгаруулдаг уламжлалтай.
Нийгмийн даатгалын ерөнхий газраас өнөөдөр /2022.12.26/ нийгмийн даатгалын санд хамгийн их шимтгэл төлсөн, олон даатгуулагч хамруулсан, шимтгэлийн тайланг хуульд заасан хугацаанд тайлагнаж, шимтгэлээ бүрэн төлсөн, хуулиар хүлээсэн ажил олгогчийн үүргээ амжилттай хэрэгжүүлэн ажиллаж буй нэр бүхий 10 ажил олгогч байгууллагыг шилдгээр шалгаруулж “Хүндэт өргөмжлөл” гардууллаа. Нийгмийн даатгалын 2022 оны шилдэг шимтгэл төлөгч-ажил олгогчоор:
1. “Оюу Толгой” ХХК
2. “Эрдэнэт Үйлдвэр” ТӨҮГ
3. “Уорли инженеринг” ХХК
4. “Рэдпафмонгол” ХХК
5. “Монголросцветмент” ТӨҮГ
6. “Энержиресурс” ХХК
7. “Тийс Монгол” ХХК
8. “М Си Эс Холдинг” ХХК
9. “Хэли юнион Юу Эл Би” ХХК
10. “Клин энержи ази” ХХК шалгарсан бөгөөд Нийгмийн даатгалын байгууллага шимтгэл төлөгч байгууллагуудыг жилийн турш алдаршуулах юм.
Түүнчлэн, нийгмийн даатгалд сайн дураар даатгуулах гэрээгээр хүлээсэн үүргээ биелүүлж, 21-23 жил сайн дурын даатгалын шимтгэл төлсөн “Шилдэг шимтгэл төлөгч-Сайн дурын даатгуулагч”-аар:
1. Баянзүрх дүүргийн Нийгмийн даатгалын хэлтсийн сайн дурын даатгуулагч Цэрэндоржийн Олзбаатар
2. Сүхбаатар дүүргийн Нийгмийн даатгалын хэлтсийн сайн дурын даатгуулагч Жасранжавын Ганболд
3. Дорноговь аймгийн Нийгмийн даатгалын хэлтсийн сайн дурын даатгуулагч Халзангийн Дэлгэрцэцэг
4. Сүхбаатар дүүргийн Нийгмийн даатгалын хэлтсийн сайн дурын даатгуулагч Одсүрэндоржийн Энхсүрэн
5. Сүхбаатар дүүргийн Нийгмийн даатгалын хэлтсийн сайн дурын даатгуулагч Тогоочийн Оюунчимэг
6. Чингэлтэй дүүргийн Нийгмийн даатгалын хэлтсийн сайн дурын даатгуулагч Мягмарын Уранбаяр
7. Чингэлтэй дүүргийн Нийгмийн даатгалын хэлтсийн сайн дурын даатгуулагч Дашжавын Наран-Эрдэнэ
8. Баянгол дүүргийн Нийгмийн даатгалын хэлтсийн сайн дурын даатгуулагч Цэнд-Аюушийн Ганбадрах
9. Баянгол дүүргийн Нийгмийн даатгалын хэлтсийн сайн дурын даатгуулагч Батмагнайн Булган
10. Хан-Уул дүүргийн Нийгмийн даатгалын хэлтсийн сайн дурын даатгуулагч Болдын Отгонбаатар нар шалгарч “Хүндэт өргөмжлөл” гардан авлаа.
Нийгмийн даатгалын ерөнхий газрын дарга А.Ариунболд шилдэг шимтгэл төлөгч ажил олгогчид, даатгуулагчдын төлөөлөлд нийгмийн даатгалын байгууллагаас хэрэгжүүлж байгаа үйл ажиллагаа, хууль тогтоомжийн шинэчлэлийн талаар танилцуулж, өөрийн болон ажиллагсдынхаа нийгмийн баталгааг хангаж хуулиар хүлээсэн үүргээ нэр төртэй биелүүлж байгаа хариуцлагатай ажил олгогч, даатгуулагчдад талархал илэрхийллээ.
Шилдэг ажил олгогчийн төлөөлөл “Монголросцветмент” ТӨҮГ-ын ерөнхий нягтлан бодогч Б.Цэнд-Аюуш: Монголросцветмент үйлдвэр нь 1973 онд байгуулагдсанаас хойш 49 дэх жилдээ 6 аймгийн 13 суманд үйл ажиллагаа явуулж байгаа бөгөөд хуулиар хүлээсэн үүргийн дагуу нийгмийн даатгалын шимтгэлийг төлж 1700 гаруй ажилтан, албан хаагчдынхаа нийгмийн даатгалын үйлчилгээ, тэтгэвэр, тэтгэмж авах эрхийг хангаж ирсэн бөгөөд ажил олгогчдыг төлөөлж энэ нэр хүндтэй шагнал авсанд баяртай байгаагаа илэрхийлсэн.
Нийгмийн даатгалд сайн дураар даатгуулагч Дорноговь аймгийн иргэн Х.Дэлгэрцэцэг “30 гаруй жил хувиараа бизнес эрхэлснээс 23 жил нийгмийн даатгалд сайн дураар даатгуулж, олон жил нийгмийн даатгалын үр шимийг хүртсээр ирсэн. Мөн өнөөдөр 55 нас хүрч өндөр насны тэтгэврээ тогтоолгон авах эрхтэй болсондоо баяртай байна. Тиймээс нийгмийн даатгалд даатгуулснаар олон төрлийн үйлчилгээ авах болон ирээдүйн нийгмийн баталгаа хангах ач холбогдолтой” хэмээн сэтгэгдлээ хуваалцсан юм.
НИЙГМИЙН ДААТГАЛЫН ЕРӨНХИЙ ГАЗАР
