Монгол Улсад Эрүүл мэндийн даатгалын тогтолцоо үүсч хөгжсөний 20 жилийн ойн хүрээнд Нийгмийн даатгалын ерөнхий газар ”Эрүүл мэндийн даатгал Таны төлөө-20 жилд” сэдэвт даатгуулагчдын өдөрлөгийг улсын хэмжээнд зохион байгуулахаар төлөвлөж байна.
Энэхүү үйл ажиллагааны эхлэлийг Баянзүрх дүүргийн засаг даргын тамгын газар, Нийгмийн даатгалын ерөнхий газар, Нийгмийн даатгалын ерөнхий газрын дэргэдэх Эрүүл мэндийн даатгалын газар (ЭМДГ) болон Эмнэлэг хөдөлмөрийн магадлах төв комисс (ЭХМТК), БЗД-ийн нийгмийн даатгалын хэлтэс, нэгдсэн эмнэлэг, эрүүл мэндийн нэгдэл, Гачуурт тосгоны өрхийн эрүүл мэндийн төвүүд хамтран 2014 оны 5 дугаар сарын 9-ний өдөр амжилттай зохион байгууллаа.
Өдөрлөгийн нээлтийн үйл ажиллагаа БЗД-ийн Засаг даргын орлогч Т.Баясах, НДЕГ-ын дэд дарга Д.Оюунчимэг, ЭМДГ-ын дарга Р.Наранчимэг, ЭХМТК-ийн дарга П.Мөнхтулга, ЭМН-ийн дарга Ж.Тамир, Нэгдсэн эмнэлгийн дарга Б.Даш-Яндаг, Гачуурт тосгоны өрхийн эрүүл мэндийн төвийн ахлагч Л.Отгон нар нээж үг хэлэн, эрүүл мэндийн байгууллагын нийт ажилтан албан хаагч, даатгуулагч амжилттай оролцлоо.
Даатгуулагчийн өдөрлөгийн хүрээнд:
– Даатгуулагчдад Нийгмийн даатгалын болон эрүүл мэндийн даатгалын үйлчилгээний талаар мэдээлэл өгөх, тэдний сонирхсон асуултанд хариулах
– Төрийн банктай хамтран эрүүл мэндийн даатгалын шимтгэл төлөлт, шилжилт хөдөлгөөн хийх
– Иргэдийн цусан дахь сахарын хэмжээ, цусны даралт, биеийн жинг хэмжих, эрүүл мэндийн зөвлөгөө өгөх
– Эмнэлгээр үйлчлүүлэгч-даатгуулагчдаас сэтгэл ханамжийн судалгаа авах
– Эмнэлгүүдийн удирдлага, ажилтнуудтай харилцан мэдээлэл солилцох
– Өрхийн эрүүл мэндийн төвийн ахлагч нар болон эмийн сангийн төлөөлөлтэй уулзалт-зөвлөгөөн зэрэг үйл ажиллагааг зохион байгууллаа.
Энэхүү өдөрлөгт нийт 300 гаруй үйлчлүүлэгч-даатгуулагч оролцож, 66 хүнийг ЭМД-д хамруулж, 232 хүний цусан дахь сахарын хэмжээг тогтоон, 179 хүний даралтыг хэмжин, 97 хүний өндөр, жин хэмжин, 178 үйлчлүүлэгч-даатгуулагчдаас сэтгэл ханамжийн судалгаа авч, оролцосн бүх хүмүүсийг витаминжуулах үйл ажиллагаа хийгдлээ.
Мөн иргэд даатгуулагчид болон эрүүл мэндийн байгууллагын ажилтан албан хаагчдад нийгмийн даатгалын үйлчилгээ, эмнэлэг хөдөлмөрийн магадлалын үйл ажиллагааны талаар ЭМДГ-ын хэлтсийн дарга Б.Баярболд, Ц.Ганцэцэг, ЭХМТК-ийн магадлагч эмч Т.Лхагвадорж нар, Эрүүл мэндийн байгууллагын үйл ажиллагааны талаар ЭМН-ийн чанарын албаны дарга М.Оюунчимэг, Сэтгэцийн их эмч Р.Энхтүвшин, Нэгдсэн эмнэлгийн ерөнхий эмч О.Бямбаа нар тус тус мэдээлэл хийлээ.
Цаашид ”Эрүүл мэндийн даатгал Таны төлөө-20 жилд” сэдэвт өдөрлөг сар бүр сонгогдсон дүүрэгт зохион байгуулагдах болно.
ЭРҮҮЛ МЭНДИЙН ДААТГАЛЫН ГАЗАР
![](http://www.ndaatgal.mn/images/news/gallery/201405/20140512003.jpg)
![](http://www.ndaatgal.mn/images/news/gallery/201405/20140512004.jpg)
![](http://www.ndaatgal.mn/images/news/gallery/201405/20140512005.jpg)
![](http://www.ndaatgal.mn/images/news/gallery/201405/20140512006.jpg)
![](http://www.ndaatgal.mn/images/news/gallery/201405/20140512007.jpg)
![](http://www.ndaatgal.mn/images/news/gallery/201405/20140512002.jpg)
![](http://www.ndaatgal.mn/images/news/gallery/201405/20140512001_1.jpg)