Нийгмийн даатгалын салбарын албан хаагчид ЗГХЭГ-ын даргын 2023 оны 10 дугаар сарын 31-ны өдрийн 98 дугаар тушаалаар батлагдсан “Аргачлал, загвар батлах тухай”, тушаалын хэрэгжилтийг хангах зорилгоор “Гүйцэтгэлийн тайлан, төлөвлөгөө боловсруулах, тайлагнах, үнэлэхтэй холбоотой журам аргачлалын шинэчлэл” сэдэвт сургалтад хамрагдлаа.
Тус сургалтыг Засгийн газрын хэрэг эрхлэх газрын Хүний нөөцийн газрын шинжээч Б.Цэрэнханд явуулж, НДЕГ, ННДГ,НДҮЗ-ийн 55 албан хаагч танхимаар, Аймаг дүүргийн нийгмийн даатгалын хэлтэс, БНСУ дахь ХНХҮТ-ийн Нийгмийн даатгалын тасгийн нийт 203 албан хаагч цахимаар оролцлоо.
