Нийгмийн даатгалын ерөнхий газрын даргын зөвлөлийн 2 дахь хурал болж, НДЕГ-ын “Ахлах мэргэжилтнүүдийн зөвлөл байгуулах тухай” тушаалын төслийн танилцуулга, НДЕГ-ын Хяналт, шалгалтын газраас 2024 онд  Хөвсгөл, Дорнод аймгийн нийгмийн даатгалын газарт хийсэн хяналт, шалгалтын танилцуулга, Нийгмийн даатгалын ерөнхий газрын даргын “Албан даалгавар”-ын төслийн танилцуулга, “Нийгмийн даатгалын ерөнхий газрын Даргын зөвлөлийн ажиллах журам”-ын төслийг  хэлэлцэж холбогдох шийдвэрийг гаргалаа.  Хэлэлцсэн асуудлуудтай холбогдуулан Нийгмийн даатгалын ерөнхий газрын даргын зөвлөлөөс  дараах үүрэг даалгаврыг өглөө. Үүнд:

 

1. Нийгмийн даатгалын албан хаагчын ёс зүй, хууль тогтоомжийг мөрдөн, нээлттэй, ил тод, ашиг сонирхлын зөрчлөөс ангид манлайлан ажиллах асуудлыг НДЕГ-ын ахлах мэргэжилтнүүдээс эхлүүлэх;
2. НДЕГ-ын төлөвлөгөөт хяналт, шалгалтын үр дүнг сайжруулж, шалгалтаар илэрсэн зөрчлийг арилгах, нийгмийн даатгалын сангийн үйл ажиллагааг олон нийтэд нээлттэй ил тод болгох;
3. Нийгмийн даатгалын салбарын хууль тогтоомж, дүрэм журмын хэрэгжилтэд бүх шатны ажилтнүүд хяналт тавьж ажиллах;
4. НДЕГ-ын даргын зөвлөлд НДЕГ-ын хэлтсийн дарга нар болон 21 аймаг, 9 дүүргийн газар, хэлтсийн дарга нарыг оруулж өргөтгөж ажиллах зэрэг болно.

 

НДЕГ-ын ахлах мэргэжилтнүүдийн зөвлөл нь байгууллагын соёлыг сайжруулахад санал санаачилга гаргах, идэвхтэй оролцох, Нийгмийн даатгалын аливаа мэдээлэл, судалгааг, давхардуулахгүй байхад анхаарах, газар, нэгжийн хоорондын уялдаа холбоог сайжруулах, аливаа ажилд мэргэжилтнүүдийг манлайлан оролцох зэрэг чиг үүрэгтэй ажиллах юм.