ТӨРИЙН ТУСГАЙ АЛБАН ХААГЧДЫН НЭГДСЭН ЭМНЭЛЭГТЭЙ ХАМТРАН АЖИЛЛАНА

Нийгмийн даатгалын ерөнхий газар албан хаагчдынхаа эрүүл мэндийн асуудалд онцгойлон анхаарч, энэ чиглэлд Төрийн тусгай албан хаагчдын нэгдсэн эмнэлэгтэй хамтран ажиллахаар 2025.04.03-ны өдөр Нийгмийн даатгалын ерөнхий газрын дарга Б.Батжаргал, Захиргаа удирдлагын газрын дарга Б.Даваахүү нар Төрийн Тусгай Албан Хаагчдын Нэгдсэн Эмнэлгийн захирал, Анагаах ухааны доктор, профессор, дэд хурандаа Н.Одонгуа, Сургалт эрдэм шинжилгээ, хамтын ажиллагааны албаны дарга Л.Нандинзул нарыг хүлээн авч уулзлаа.

Энэхүү уулзалтаар нийгмийн даатгалын ерөнхий газрын албан хаагчдыг эрүүл мэндийн үзлэг оношилгоонд хамруулахаас гадна тус эмнэлгийн ажилтан, албан хаагчдад нийгмийн даатгалын хууль тогтоомж, ач холбогдол болон Цэргийн алба хаагчийн тэтгэвэр, тэтгэмжийн талаар сургалт зохион байгуулна. Харин төрийн тусгай албан хаагчдын нэгдсэн эмнэлгийн зүгээс Нийгмийн даатгалын ерөнхий газрын албан хаагчдад эрүүл мэндийн мэдлэг олгох сургалт хийх, шаардлагатай үзлэг шинжилгээнд хамруулах, эрүүл мэндийг дэмжих үйл ажиллагаануудыг сурталчлан таниулах ажлуудыг тус тус хийх юм.