Туркийн хамтын ажиллагаа, зохицуулах агентлаг /ТИКА/-аас Нийгмийн даатгалын ерөнхий газрын сургалтын танхимыг тохижуулж, сургалт явуулах орчин нөхцөл сайжруулахад дэмжлэг үзүүлэн 25,340 ам долларын үнэ бүхий сургалтын танхимын ширээ, сандал, тоног төхөөрөмжийг хүлээлгэн өглөө.
Ингэснээр Нийгмийн даатгалын байгууллага ажилтнуудаа тасралтгүй сургах, ажил олгогч, даатгуулагч, харилцагч аж ахуйн нэгж байгууллагуудад нийгмийн даатгалын хууль тогтоомжийг таниулах танхимын болон цахим сургалтын орчноо сайжрууллаа.
НДЕГ-ын дарга Л.Мөнхзул ТИКА-ийн дэд дарга Огуз Шэнбашт гүн талархал илэрхийллээ.
