НДЕГ-ЫН ДАРГА ТӨВ АЙМАГТ АЖИЛЛАЛАА

Нийгмийн даатгалын ерөнхий газрын дарга Б.Батжаргал, Захиргаа удирдлагын газрын дарга Б.Даваахүү нар 2025.04.01-ний өдөр Төв аймгийн Нийгмийн даатгалын газрын албан хаагчидтай уулзлаа. Нийгмийн даатгалын байгууллагын 2025 оны зорилт, цаашид анхаарах асуудлын талаар мэдээлэл өгч дараах чиглэлийг хэрэгжүүлж ажиллах үүрэг өглөө. Үүнд:

Хууль тогтоомжийг, чандлан сахих;
Бүх түвшний удирдлагууд, удирдлагын манлайллыг үзүүлж ажиллах;
Ажил олгогч, ажилтан, даатгуулагч, тэтгэвэр, тэтгэмж авагч, харилцагчдад нийгмийн даатгалын үйлчилгээг түргэн шуурхай үзүүлэх;
Ашиг сонирхлын зөрчлөөс ангид байж, сахилга бат, ёс зүйн хэм хэмжээг дээдлэх зэрэг болно.

Нийгмийн даатгалын үйлчилгээг чанаржуулах, хүртээмжийг нэмэгдүүлэхэд салбар хоорондын уялдаа холбоо хамгийн чухал гэдгийг Нийгмийн даатгалын ерөнхий газрын дарга онцлоод 2025 ондоо багтаан 330 суманд нийгмийн даатгалын цахим системийг нэвтрүүлж, иргэд, даатгуулагч, харилцагчдад үзүүлэх нийгмийн даатгалын үйлчилгээний хүртээмжийг нэмэгдүүлнэ гэлээ.