СОНГИНОХАЙРХАН ДҮҮРГИЙН АЛБАН ХААГЧИДТАЙ УУЛЗЛАА
Нийгмийн даатгалын ерөнхий газрын дарга Б.Батжаргал, Захиргаа удирдлагын газрын дарга Б.Даваахүү нар 2025.03.27-ны өдөр Сонгинохайрхан дүүргийн нийгмийн даатгалын газар болон Баянхошуу дахь нийгмийн даатгалын хэлтэст ажиллаж, албан хаагчидтай уулзалт хийж, Нийгмийн даатгалын байгууллагын 2025 оны зорилт, цаашид анхаарах асуудлын талаар мэдээлэл өгч ажиллалаа.
Энэ үеэр албан хаагчдыг хууль тогтоомжоо чандлан сахиж, ажил олгогч, ажилтан, даатгуулагч, тэтгэвэр, тэтгэмж авагч, харилцагчдад нийгмийн даатгалын үйлчилгээг түргэн шуурхай үзүүлж ажиллахыг уриаллаа.
Мөн боловсон хүчний дутагдалтай байгаа энэ цаг үед нийгмийн даатгалын үйлчилгээний хүртээмжийг нэмэгдүүлэхийн тулд зайлшгүй цахим хэлбэрт шилжих ажлыг эрчимжүүлэх шаардлага тулгарч байна. Тиймээс энэ нөхцөл боломжийг бүрдүүлэхийн тулд нийт албан хаагчдын оролцоо, хамтын ажиллагаа чухал байгааг онцоллоо.
Мэдээллийн эрин зуунд даатгуулагч, ажил олгогч, харилцагчид нийгмийн даатгалын үйлчилгээний талаарх мэдээ мэдээллийг бүх сошиал сүлжээнээс цаг алдалгүй авч байгаа тул нийгмийн даатгалын салбарын ажилтнууд ч мөн адил өөрсдийн мэдлэг, ур чадвараа нэмэгдүүлэх хэрэгтэйг сануулсан юм.
