СУРГАЛТ ЗОХИОН БАЙГУУЛЛАА

Нийгмийн даатгалын ерөнхий газрын Захиргаа, удирдлагын газрын сургалтын хэлтсээс 2025.03.27-ны өдөр Монголын ажил олгогч эздийн нэгдсэн холбоо, Баянзүрх дүүргийн Засаг даргын дэргэдэх жижиг дунд үйлдвэрлэлийг дэмжих Баянзүрх нэг зүрх төв, Хөгжлийн шийдэл төрийн бус байгууллагатай хамтран жижиг дунд бизнес эрхлэгчдэд “Нийгмийн даатгалын багц хууль” сэдэвт сургалтыг зохион байгууллаа.

Тус сургалтыг Захиргаа, удирдлагын газрын сургалтын мэргэжилтэн Б.Цэрэнчимэд, Ч.Ган-Эрдэнэ нар явуулж, “Нийгмийн даатгалын хууль, тогтоомж”-ийн талаар зөвлөгөө, мэдээллийг хүргэж, жижиг дунд бизнес эрхлэгчдийн сонирхсон асуултад хариулт өгч ажиллалаа.

Өнөөдрийн байдлаар улсын хэмжээнд 86 мянга гаруй жижиг, дунд бизнес эрхлэгч бий гэсэн статистик тоо байна. Сургалтад хамрагдсан бизнес эрхлэгч, ажил олгогч, даатгуулагч нартаа талархал илэрхийлье.

Нийгмийн даатгалын хууль, тогтоомжийн талаар сургалт авах хүсэлтэй Төрийн болон хувийн хэвшлийн аж ахуйн нэгж байгууллагууд, Та бүхэн доорхи линкээр орж сургалтын захиалгаа өгнө үү .
https://forms.gle/2JsFTHivECX1VKUo7