Нийгмийн даатгалын салбарын хэмжээнд 2025 оныг “Даатгуулагчдыг дэмжих, нийгмийн даатгалын шимтгэлийн өрийг барагдуулах жил” болгон зарласантай холбогдуулан Нийгмийн даатгалын ерөнхий газрын Шимтгэл хураалтын удирдлага, арга зүйн газрын дарга Б.Батсүхээр ахлуулсан ажлын хэсэг Хан-Уул дүүргийн Нийгмийн даатгалын газарт хоёр өдрийн турш ажиллаж, шимтгэлийн их хэмжээний өртэй, авлагын насжилт өндөртэй аж ахуйн нэгж, байгууллагуудын удирдлага, нягтлан бодогч нартай уулзалт зохион байгуулж, үүссэн өр, авлагын нөхцөл байдалд үнэлэлт, дүгнэлт өгч ажиллалаа.
Тус уулзалт нь шимтгэлийн өр үүсгэсэн шалтгаан, нөхцөл болон даатгуулагчдад учирч болох эрсдэлийн талаар тайлбарлан, даатгуулагчдыг хохироохгүй байх талаар ажил олгогчдод ойлгуулах зорилготой.
Түүнчлэн, Хан-Уул дүүргийн Нийгмийн даатгалын газрын Хамралт, орлого, шимтгэлийн өр хариуцсан байцаагч нарт өр авлагыг бууруулах, цаашид нэмж үүсгэхгүй байх талаар үр дүнтэй ажлуудыг зохион байгуулах, харилцаа хандлагадаа анхаарах, ажил олгогчдод сургалт, сурталчилгааг оновчтой хийх, нийгмийн даатгалын ач холбогдлыг олон нийтэд ойлгуулах талаар холбогдох ажлууд зохион байгуулахыг зөвлөлөө.
