Нийгмийн даатгалын ерөнхий газар болон Японы олон улсын хамтын ажиллагааны байгууллага /ЖАЙКА/ хоорондын хамтын ажиллагааны хүрээнд “Монгол Улсын нийгмийн даатгалын салбар дахь санхүүгийн дүн шинжилгээний практик ур чадварыг дээшлүүлэх нь” төсөл 4 дэх жилдээ амжилттай хэрэгжиж байна.

Уг төслийн сургалтад Хөдөлмөр, нийгмийн хамгааллын яам болон Нийгмийн даатгалын ерөнхий газрын 15 ажилтан хамрагдаж байгаа бөгөөд тэтгэврийн даатгалын сангийн орлого, зарлага, даатгуулагч, тэтгэвэр авагчийн тооны хэтийн тооцоолол, санхүүгийн дүн шинжилгээ хийх талаар мэргэшин суралцаж байна.

Төслийн сургагч багш Японы Нийгмийн хамгаалал, хүн ам зүйн судалгааны хүрээлэнгийн Нийгмийн хамгааллын суурь онолын судалгааны газрын Судалгааны 1-р хэлтсийн дарга Сато Итарү 2023.10.03-10.05-ны өдрүүдэд Нийгмийн даатгалын ерөнхий газар болон Баянгол дүүргийн нийгмийн даатгалын хэлтэст ажиллаж, 2 өдрийн сургалт зохион байгууллаа.