Эрхэм хүндэт даатгуулагч, ажил олгогч, хамтран ажиллагч түншүүд, Нийгмийн даатгалын салбарын үе үеийн албан хаагч Та бүхэндээ шинэ оны мэнд дэвшүүлье.

           Нийгмийн даатгалын байгууллага 2022 онд нийгмийн даатгалын хууль тогтоомжийг хэрэгжүүлж, нийгмийн даатгалын цахим үйлчилгээг өргөжүүлэхэд онцгойлон анхаарч ажиллалаа. Бид үйлчилгээгээ цаг хугацаа, орон зайнаас үл хамааран түргэн шуурхай, ил тод, чирэгдэлгүй хүргэх зорилтын хүрээнд энэ онд ажилгүйдлийн, хөдөлмөрийн чадвар түр алдсаны, жирэмсний болон амаржсаны тэтгэмж олгохыг хүссэн өргөдлийг цахимаар шийдвэрлэх боломжийг бүрдүүлснээр нийт үйлчилгээнийхээ 70 орчим хувийг цахим хэлбэрт шилжүүлж нийгмийн даатгалын байгууллага үүсэж хөгжсөний түүхт 80 жилийн ойгоо үдэж байна.

               Тэтгэврийн хэмжээг нэмэгдүүлж, нийгмийн даатгалын байгууллагын чиг үүргийн үүргээ хэрэгжүүлж нийт 724.3 мянган хүний тэтгэвэр, тэтгэмж, төлбөрт 3.4 их наяд төгрөгийг олгож, орлогын төлөвлөгөөг 103.4 хувиар биелүүлсэн зэрэг амжилтаа бататгаж, 2023 онд нийгмийн даатгалын хамралтыг нэмэгдүүлэх, цахим үйлчилгээг өргөжүүлэх, мэдээллийн шинэчилсэн системийг нэвтрүүлж төрийн үйлчилгээг иргэдэд чирэгдэлгүй шуурхай хүргэхийг зорин ажиллаж байна.

Ирж буй 2023 онд Та бүхэн эрүүл энх, аз жаргалаар дүүрэн байх болтугай.

Хүндэтгэсэн,

Нийгмийн даатгалын ерөнхий газрын дарга А.Ариунболд