МУИС-ИЙН ОЮУТНУУД НДЕГ-ЫН ҮЙЛ АЖИЛЛАГААТАЙ ТАНИЛЦЛАА
МУИС-ийн Бизнесийн сургуулийн даатгалын чиглэлээр суралцаж байгаа төгсөх курсийн оюутнууд үйлдвэрлэлийн дадлагаа хийхээр өнөөдөр Нийгмийн даатгалын ерөнхий газрын үйл ажиллагаатай танилцлаа.
Тус оюутнуудыг Нийгмийн даатгалын ерөнхий газрын дарга Б.Батжаргал, Захиргаа удирдлагын газрын дарга Б.Даваахүү, Сургалтын хэлтсийн дарга С.Ундармаа нар хүлээн авч уулзан, байгууллагын үйл ажиллагааны талаар танилцуулаад дадлага хийх нөхцөл боломжийг бүрдүүлж, дэмжиж ажиллана гэдгээ илэрхийллээ.
Оюутнууд үйлдвэрлэлийн дадлагаа НДЕГ болон 9 дүүргээс өөрсдөө сонгон хийх юм. Манай салбарт боловсон хүчний дутагдалтай байгаа, иймд дадлага хийхээс гадна үргэлжлүүлж ажиллахыг Нийгмийн даатгалын ерөнхий газрын дарга уриаллаа.
