НДЕГ-ЫН ДАРГА БАЯНГОЛ ДҮҮРЭГТ АЖИЛЛАЛАА

Нийгмийн даатгалын ерөнхий газрын дарга Б.Батжаргал 9 дүүргийн албан хаагчидтай уулзалт хийж, Нийгмийн даатгалын байгууллагын 2025 оны зорилт, цаашид анхаарах асуудлын талаар мэдээлэл өгч ажиллалаа. Өнгөрсөн өдрүүдэд Баянзүрх, Сүхбаатар, Хан-Уул дүүргийн нийгмийн даатгалын газрын албан хаагчидтай уулзалт хийсэн бол өнөөдөр / 2025.03.26/ Баянгол дүүргийн нийгмийн даатгалын газрын албан хаагчидтай уулзалт хийлээ. Энэхүү уулзалтаар дараах чиглэлийг өглөө.

– Бүх хууль тогтоомжийг, чандлан сахих;
– Бүх түвшний удирдлагууд, удирдлагын манлайллыг үзүүлж ажиллах;
– Ажил олгогч, ажилтан, даатгуулагч, тэтгэвэр, тэтгэмж авагч, харилцагчдад нийгмийн даатгалын үйлчилгээг түргэн шуурхай үзүүлэх;
– Ашиг сонирхлын зөрчлөөс ангид байх, сахилга бат, ёс зүйн хэм хэмжээг дээдлэх;
– Нийгмийн даатгалын үйлчилгээг цахим хэлбэрт шилжүүлэх ажлыг эрчимжүүлэх зэрэг болно.

Нийгмийн даатгалын үйлчилгээг чанаржуулах, хүртээмжийг нэмэгдүүлэхэд салбар хоорондын уялдаа холбоо хамгийн чухал гэдгийг Нийгмийн даатгалын ерөнхий газрын дарга онцлоод тулгамдаж байгаа асуудлаа нийтээрээ хэлэлцэж, шийдвэрлэх гарц шийдлийг олж, байгууллагын үйл ажиллагааг нэг шат ахиулахын тулд хамтын хүчээр ажиллахыг уриаллаа.