Нийгмийн даатгалын ерөнхий газрын дэргэдэх Эрүүл мэндийн магадлалын төв зөвлөлөөс магадлалын үйл ажиллагаанд мөрдөгдөж буй хууль эрхзүйн баримт бичгийн хэрэгжилтийн өнөөгийн байдал, тулгамдаж буй асуудлыг тодорхойлох, түүнийг шийдвэрлэх арга замыг хэлэлцэх зорилгоор “Эрүүл мэндийн магадлалтай холбоотой тушаал шийдвэрийн хэрэгжилтийг ханган ажиллахад анхаарах асуудал” сэдэвт цахим уулзалт хэлэцүүлгийг 2025 оны 01 дүгээр сарын 27-ны өдөр зохион байгуулав.
Тус уулзалт хэлэлцүүлэгт аймаг, дүүргийн Нийгмийн даатгалын газрын дэргэдэх Эрүүл мэндийн магадлалын зөвлөлийн 250 гаруй дарга, гишүүд оролцов.
Уулзалт, хэлэлцүүлгээр Эрүүл мэндийн магадлалын төв зөвлөлийн 2024 оны үйл ажиллагааны товч тайлан, жилийн эцсийн тоон тайлангийн дүн шинжилгээ, 2025 онд авч хэрэгжүүлэхээр төлөвлөж буй арга хэмжээний талаар болон цаг үеийн байдлаар танилцуулга мэдээлэл хийж, санал солилцов.
Энэ удаагийн уулзалт, хэлэлцүүлгээр эрүүл мэндийн магадлалын үйл ажиллагааг боловсронгуй болгох, дотоодын хяналтыг сайжруулж гарч болох алдаа зөрчлөөс сэргийлэх, даатгуулагч хүнд үзүүлэх хөдөлмөрийн чадвар алдалтын хувь, хугацааг шийдвэрлэх үйл ажиллагааг хүртээмжтэй, чирэгдэлгүй үзүүлэх, цаашид авч хэрэгжүүлэх арга хэмжээний талаар санал солилцож нэгдмэл ойлголтод хүрснээрээ ач холбогдолтой болов.
