ЭРҮҮЛ МЭНДИЙН МАГАДЛАЛЫН ЗӨВЛӨЛИЙН СУДЛААЧ БҮЛГИЙН ГИШҮҮДЭД СУРГАЛТ ЗОХИОН БАЙГУУЛАВ

Нийгмийн даатгалын ерөнхий газрын дэргэдэх Эрүүл мэндийн магадлалын төв зөвлөлөөс 03 дугаар сарын 21-ний өдөр аймаг, дүүргийн Эрүүл мэндийн магадлалын зөвлөлийн гишүүдийн дунд судлаач бүлгийн сургалтыг танхим болон цахим хосолсон хэлбэрээр зохион байгууллаа.

Сургалтад Эрүүл мэндийн магадлалын төв зөвлөл болон салбар, аймаг, дүүргийн Эрүүл мэндийн магадлалын зөвлөлийн 50 гаруй гишүүн, эмч, мэргэжилтэн хамрагдав. Энэ удаагийн сургалтаар Дэлхийн банкны “Ковид-19” төслийн мэргэжилтэн, АУ-ны доктор А.Энхжаргал “Судалгааны өгүүлэл, илтгэлийн талаарх ерөнхий ойлголт” сэдвийн хүрээнд хичээл зааж, судалгааны үндсэн ойлголт, сэдэв, арга аргачлалыг хэрхэн оновчтой зөв сонгох, бичих талаар хичээл зааж, бүлгийн гишүүдтэй судалгааны сэдэв сонгох болон судалгаа хийх багийг хэрхэн бүрдүүлэх талаар зөвлөлдөв.

Энэ удаагийн сургалтаар судлаач бүлгийн эмч нар судалгааны ажлын сонгогдсон сэдвийн хүрээнд үндэслэл, танилцуулга бичих, арга аргачлалыг тодорхойлж, онолын мэдлэг, ур чадвараа дээшлүүлэн нэгдсэн шийдэлд хүрснээрээ ач холбогдолтой боллоо.