Танд туслах хэрэглэгчийн лавлах

7777-1289
НүүрМэдээГОВЬ-АЛТАЙ АЙМГИЙН НИЙГМИЙН ДААТГАЛЫН ХЭЛТСИЙН АЛБАН ХААГЧДЫГ ЧАДАВХИЖУУЛАХ СУРГАЛТ ЗОХИОН БАЙГУУЛЛАА

ГОВЬ-АЛТАЙ АЙМГИЙН НИЙГМИЙН ДААТГАЛЫН ХЭЛТСИЙН АЛБАН ХААГЧДЫГ ЧАДАВХИЖУУЛАХ СУРГАЛТ ЗОХИОН БАЙГУУЛЛАА

Улсын Их Хурлын чуулганы 2023 оны 07 сарын 07-ны өдрийн нэгдсэн хуралдаанаар Нийгмийн даатгалын багц хуулийн шинэчилсэн найруулгыг хэлэлцэн  баталсан.

Хуулийн хэрэгжилтийг хангах зорилгоор Нийгмийн даатгалын ерөнхий газар “Нийгмийн даатгалын багц хуулийн шинэчлэлийн хүрээнд албан хаагчдыг чадавхижуулах сургалт, сурталчилгааны төлөвлөгөө”-ний дагуу сургагч багш нарын 6 баг томилон аймаг, дүүргийн нийгмийн даатгалын хэлтсийн албан хаагчдыг чадавхижуулах сургалтыг  зохион байгуулж байна.

Тус сургалтын хүрээнд 2023 оны 09 сарын 25-26-ны өдөр  Нийгмийн даатгалын ерөнхий газрын Тамгын газрын дарга Б.Батсүх ахлагчтай баг Говь-Алтай аймгийн нийгмийн даатгалын хэлтсийн нийт 31 албан хаагчдад  “Нийгмийн даатгалын ерөнхий хууль”, “Нийгмийн даатгалын сангаас олгох тэтгэврийн тухай хууль”, “Нийгмийн даатгалын сангаас олгох тэтгэмжийн тухай хууль”, “Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хууль”-ийг хэрэгжүүлэхэд анхаарах асуудлууд сэдвээр сургалт хийж, сургалтад оролцогчдын асуултад хариулт өглөө.

Мөн тус баг бүрэлдэхүүн Говь-Алтай аймагт үйл ажиллагаа явуулдаг 100 ажил олгогч байгууллагын нийт 210 удирдлага, хүний нөөц, даатгуулагч нарт нийгмийн даатгалын багц хуулийн шинэчлэлийг танилцууллаа.