Нийгмийн даатгалын төв, орон нутгийн байгууллагын ахлах нягтлан бодогч, бүртгэлийн мэргэжилтнүүд мэдээллийн шинэ системийг танилцуулах, дадлагажуулах арга зүйн сургалтад 2023 оны 12 дугаар сарын 16, 17-ны өдрүүдэд хамрагдлаа.

Сургалтаар Нийгмийн даатгалын сангийн цахим системийг хөгжүүлэгч Ай Ти Зон компанийн сургагч багш Ж.Анударь, МНБ Т.Бямбасүрэн нар анхан шатны болон нягтлан бодох бүртгэлийг вэбд суурилсан программ хангамж ашиглан хөтлөх дадлага ажлыг зохион байгуулав.

Сургалтад ММНБИ-ийн Сургалт, судалгаа, стандарт хариуцсан захирал Д.Батцэцэг, Аудит хариуцсан дэд захирал М.Давааням нар оролцож, дотоод ба хөндлөнгийн аудитын ялгаа, ач холбогдлын талаар мэдээлэл өглөө.