Улсын их хурлын чуулганы 2023 оны 07 сарын 07-ны өдрийн нэгдсэн хуралдаанаар Нийгмийн даатгалын багц хуулийн шинэчилсэн найруулгыг хэлэлцэн баталсан.

Уг хуулийн хэрэгжилтийг хангах зорилгоор НДЕГ, МҮЭХ-той хамтран 2023 оны 10 дугаар сарын 23-ны өдөр МҮЭХ-ны “Сургагч багш” бэлтгэх сургалт зохион байгууллаа.

Тус сургалтыг МҮЭ-ийн холбооны ерөнхийлөгч С.Эрдэнэбат нээж, ХНХЯ-ны НДБХЗГ-ын дарга Б.Батжаргал “Нийгмийн даатгалын багц хуулийн шинэчлэлийн агуулга”, НДЕГ-ын даргын үүргийг түр орлон гүйцэтгэгч Ц.Ганцэцэг “Нийгмийн даатгалын ерөнхий хуулийн танилцуулга”, НДЕГ-ын БХСГ-ын мэргэжилтэн М.Бямбадулам “Нийгмийн даатгалын сангаас олгох тэтгэврийн тухай хуулийн танилцуулга”, НДЕГ-ын БХСГ-ын ахлах мэргэжилтэн С.Лхагвадорж “Нийгмийн даатгалын сангаас олгох тэтгэмжийн тухай хуулийн танилцуулга”, “Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулийн танилцуулга”, НДЕГ-ын СОНХАГ-ын мэргэжилтэн Ч.Сансарчимэг “Нийгмийн даатгалын тайлан, шимтгэл төлөлт” сэдвээр сургалт хийж, оролцогчдын асуултад хариуллаа. Тус сургалтад МҮЭХ-ны 25 гишүүд хамрагдаж сертификат гардан авлаа.

Эдгээр “Сургагч багш” нар салбар бүрийнхээ ажилтан, албан хаагчдад “Нийгмийн даатгалын багц хуулийн шинэчлэл”-ийн талаар мэдээлэл түгээх юм.