Улсын Их Хурлын чуулганы 2023 оны 07 дугаар сарын 07-ны өдрийн нэгдсэн хуралдаанаар хэлэлцэн баталж, 2024 оны 01 дүгээр сарын 01-ний өдрөөс мөрдөх Нийгмийн даатгалын ерөнхий хуулийн 38 дугаар зүйлийн 38.1 дах хэсэгт “Нийгмийн даатгалын шимтгэлийн ногдуулалт, төлөлтөд хийх хяналт шалгалтыг нийгмийн даатгалын байгууллага хэрэгжүүлнэ” 38 дугаар зүйлийн 38.9 дахь хэсэгт “Энэ хуулийн 38.2-т заасан хяналт шалгалт хийх журмыг нийгмийн даатгалын асуудал хариуцсан төрийн захиргааны байгууллага батална” гэж тус тус заасны дагуу “Нийгмийн даатгалын шимтгэлийн ногдуулалт төлөлтөд хяналт шалгалт хийх журам”-ийн төслийг боловсруулаад байна.
Энэхүү журмын төслийг 2024 оны 01 дүгээр сарын 01-ний өдрөөс эхлэн мөрдөх бэлтгэл ажлын хүрээнд доорх журмын төслийг боловсруулан, олон нийтээс санал авахаар танилцуулж байна.
“Нийгмийн даатгалын шимтгэлийн ногдуулалт, төлөлтөд хяналт шалгалт хийх журам”
төсөлтэй холбоотой саналыг тус цахим хуудасны “Санал хүсэлт” хэсгээр хүлээн авна.
